कर्पोरेट समाचार 
काठमाडौं । सिटिजन्स बैंक इन्टरनेसनलले १० वर्ष र १५ वर्ष सेवा गरेका कर्मचारीहरूलाई ‘दीर्घ सेवा सम्मान’ प्रदान गरेको छ।
२०६४ साल वैशाख ७ गते ४३ जना कर्मचारीबाट बैंकिङ सेवा सुरु गरेको सिटिजन्स बैंकले कर्मचारीहरूको उत्साहवर्धनका लागि सम्मान प्रदान गरेको हो। बैंकले हरेक वर्ष चैत १ गतेलाई ‘कर्मचारी दिवस’ का रूपमा मनाउँदै आएको छ। अठारौँ वर्ष पूरा गरी उन्नाइसौँ वर्षमा प्रवेश गरेको अवसरमा बैंकले वार्षिक उत्सवसम्बन्धी विभिन्न कार्यक्रम आयोजना गरिरहेको छ।
बैंकको वार्षिक उत्सव वैशाख ७ गते पर्ने हुँदा विशेष कार्यक्रमको आयोजना गरिएको थियो। बैंकको केन्द्रीय कार्यालय नारायणहिटी पथमा आयोजित कार्यक्रममा प्रमुख कार्यकारी अधिकृत गणेशराज पोखरेलले १० वर्ष सेवा गरेका ६१ जना र १५ वर्ष सेवा गरेका १८ जना कर्मचारीलाई प्रमाणपत्रसहित ‘दीर्घ सेवा सम्मान’ प्रदान गरे।
कार्यक्रमलाई सम्बोधन गर्दै प्रमुख कार्यकारी अधिकृत पोखरेलले बैंकको सफलतामा कर्मचारीहरूको मिहिनेत, लगनशीलता, प्रतिबद्धता र जिम्मेवारीको महत्वपूर्ण योगदान रहेको बताए। हाल बैंकमा १८ सय कर्मचारी कार्यरत रहेका छन्।
प्रतिक्रिया दिनुहोस्