कर्पोरेट समाचार 
काठमाडौं । नेपाली स्मार्टफोन बजारमा भिभोले आफ्नो नयाँ स्मार्टफोन भिभो भी ५० लाईट छिट्टै सार्वजनिक गर्ने तयारी थालेको छ ।
यसमा समेटिएको बहुप्रयोगी विशेषता, शक्तिशाली प्रदर्शन र प्रिमियम डिजाइनले यो स्मार्टफोनलाई प्रतिस्पर्धात्मक बजारमा अलग पहिचान दिन सक्ने संकेत गरेको छ ।
भिभो भी ५० लाईटमा ६५०० एमएएचको ब्लु वल्ट ब्याट्रीको प्रयोगले ९० वाट फ्ल्यास चार्ज सपोर्ट गर्नेछ । यस्तो ब्याट्रीले एकै चार्जमा दिनभर साथ दिनेछ र पावर बैंकको झन्झटबाट छुटकारा दिलाउनेछ । यो फोनमा सिर्फ ७.७९ एम एमको अल्ट्रा–स्लिम प्रोफाइलमा आउने अनुमान गरिएको छ, जसले डिजाइन र शक्तिबीचको सन्तुलन कायम राख्नेछ ।
भिभो भी ५० लाईटमा मीडियाटेक डीमेन्सिटी ६३०० वा स्नापड्रागन ६८५ चिपसेट रहने अनुमान गरिएको छ, जस्ले गेमिङ वा मल्टिटास्किङलाई सहज अनुभव प्रदान गर्नेछ । साथै, यसमा कम्प्रेहेन्सिव कुशनिङ्ग डिजाइन, एस जि एस ५ स्टार ड्रप रेसिस्टेन्ट र मिलेट्री ग्रेड सटिफिकेसन जस्ता टिकाउपन र सुरक्षा सुनिश्चित गर्ने विशेषता समावेश गरिएको चर्चा छ, जस्ले मोवाइलको दिगोपन र सुरक्षालाई थप बलियो बनाउनेछ ।
डिजाइन पक्षमा, भिभो भी ५० लाईट ७.७९ एम एमको अल्ट्रा–स्लिम प्रोफाइल मा आउनेछ, जसमा १२० हर्ज अल्ट्रा भिजन पि–ओलेड पञ्च–होल डिस्प्ले, अल्ट्रा–न्यारो बेजल्स र फ्ल्यागशिप लेभल फिनिश हुनेछ । एस जि एस लो ब्लू लाईट सर्टिफिकेसनले आँखाको सुरक्षा सुनिश्चित गर्नेछ भने १८००–निट्सको पिक ब्राइटनेसले बाह्य उज्यालोमा पनि प्रस्ट दृश्य देखिनेछ । क्यामेरापक्षमा भिभो भी ५० लाईटमा ५० एम पी सोनी आई एम एस् ८८२ मुख्य क्यामेरा उपलब्ध गराइने उल्लेख छ ।
जसले कम उज्यालोमा पनि उत्कृष्ट तस्वीर खिच्न सकिनेछ । ३२ एम पी अल्ट्रा क्लियर फ्रन्ट क्यामेरा र एआई ईमेज स्टुडियोमा रहेको एआई ईरेज र एआई फोटो ईनह्यान्स जस्ता स्मार्ट टुल्सले फोटो सम्पादनलाई अझ सहज बनाउनेछन् । भिभो भी ५० लाईटका यी सबै विशेषताहरूले नेपाली स्मार्टफोन प्रयोगकर्ताहरूमा उत्साह थप्ने आकलन गरिएको छ ।
प्रतिक्रिया दिनुहोस्