काठमाडौं । प्रतिनिधिसभाको बैठक आधा घण्टाका लागि स्थगन भएको छ । बुधबार बैठक सुरु हुनासाथ विपक्षी दलले अवरोध गरेपछि सभामुख देवराज घिमिरेले आधा घण्टाका लागि बैठक स्थगन गरेका हुन् ।
आज सभामुखले दलीय आधारमा बोल्नका लागि समय दिने बताएका थिए । तर, दलका सांसदहरुले उभिएर विरोध जनाइरहे । सभामुख घिमिरेले गृहमन्त्रीलाई जवाफका लागि समय दिन खोजेका थिए तर, सांसदहरुले विरोध जनाए ।
भिजिट भिसा प्रकरणमा गृहमन्त्री रमेश लेखको राजीनामा नआएसम्म बैठक चल्न नदिने चेतावनी विपक्षी दलको छ । विपक्षीले मंगलबार देखि नै भिजिट भिसा प्रकरणमा गृहमन्त्रीको राजीनामा माग्दै अडान कायम राखेका छन् । मंगलबार पनि प्रतिपक्षी दलहरूको विरोधका कारण नियमित कार्यसूचीमा प्रवेश नै नगरी बैठक स्थगित भएको थियो । आजको बैठकमा उपप्रधानमन्त्री एवं अर्थमन्त्री विष्णुप्रसाद पौडेलले आव २०८१/०८२ को आर्थिक सर्वेक्षण पेस गर्ने सम्भावित कार्यसूची छ ।
प्रतिक्रिया दिनुहोस्