सुनको भाउ घट्यो, कति पुग्यो तोलाको ?

काठमाडौं । साताको दोस्रो कारोबार दिन नेपाली बजारमा सोमबार सुनको मूल्य सामान्य घट्दा चाँदीको भाउ बढेको छ ।

विज्ञापन

नेपाल सुनचाँदी व्यवसायी महासंघका अनुसार अघिल्लो दिन (आइतबार) तोलामा १ लाख ९० हजार ७०० रुपैयाँमा किनबेच भएको छापावाल सुनको मूल्य सोमबार तोलामा १ सय रुपैयाँले घटेको छ । आज सुन प्रतितोला १ लाख ९० हजार ६०० रुपैयाँ कायम भएको छ ।

यसैगरी, सोमबार चाँदीको मूल्य तोलामा पाँच रुपैयाँले बढेर २ हजार १५० रुपैयाँ कायम भएको छ । आइतबार सोही परिमाणको चाँदी २ हजार १४५ रुपैयाँमा किनबेच भएको थियो ।