कर्पोरेट समाचार 
काठमाडौं । दरमखोला हाइड्रो इनर्जी लिमिटेडले सोमबारदेखि आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि प्राथमिक सेयर (आईपीओ) निष्काशनमा ल्याएको छ।
कम्पनीले आयोजना प्रभावित स्थानीयहरूका लागि कुल १० करोड ३० लाख ५० हजार रुपैयाँबराबरको १० लाख ३० हजार ५ सय कित्ता सेयर निष्काशन गरेको छ। यस्तै, वैदेशिक रोजगारीमा गएकाहरूका लागि २ लाख ९१ हजार ९ सय ५० कित्ता सेयर छुट्याइएको छ।
यससँगै कम्पनीले सर्वसाधारणका लागि दोस्रो चरणमा निष्काशन गर्ने सेयरको पनि तयारी थालेको छ। त्यसअन्तर्गत २९ करोड १९ लाख ५० हजार रुपैयाँबराबरको २९ लाख १९ हजार ५ सय कित्ता सेयर सर्वसाधारणका लागि छुट्याइएको छ।
दरमखोला हाइड्रोले आफ्नो जारी पुँजी १ अर्ब ३ करोड ५ लाख रुपैयाँबराबरको कुल ३८.३३ प्रतिशत सेयर निष्काशन गर्ने अनुमति प्राप्त गरेसँगै पहिलो चरणमा स्थानीय बासिन्दा र वैदेशिक रोजगारीमा रहेका नेपालीहरूका लागि सेयर निष्काशन गरेको हो।
यस आईपीओमा आगामी असार २३ गतेसम्म आवेदन दिन सकिनेछ।
प्रतिक्रिया दिनुहोस्