काठमाडौं । पहिलो नेगेटिभ सर्किटलागेकोा २० मिनेटमा खुलेको शेयर बजारमा पुनः अर्को नेगेटिभ सर्किट लागेको छ। बिहीबार बजार खुलेको दोस्रो मिनेटमा शेयर बजार सूचक नेपाल स्टक एक्सचेञ्ज (नेप्सें १०७.०४ अंकले घटेपछि नकारात्मक सर्किट लागेको थियो ।
त्यसको २० मिनेट कारोबार रोकिएर खुलेको शेयर बजारमा पुःन दोस्रो नकारात्मक सर्किट लागेको हो। २० मिनेपछि खुलेको बजार केही मिनेटभित्रै १३३.६३ अंक अर्थात् ५ प्रतिशतले घट्यो । पुनः ११ः२२ बजे बजार खुलेपछि ११ः२३ मा नेप्से ५ प्रतिशतले घट्दा दोस्रो सर्किट ब्रेक लागी कारोबार फेरि स्थगित भएको हो । अब बजार ४० मिनेटपछि मात्रै खुल्नेछ ।
कारोबार खुलेको पहिलो एक घण्टाभित्र बजार परिसूचक नेप्से ४ प्रतिशतले घटेमा वा बढेमा सर्किट लाग्ने व्यवस्था रहेको छ । जसमा २० मिनेटका लागि कारोबार रोकिन्छ ।
यस्तै, कारोबार खुलेको दोस्रो घण्टाभित्र पाँच प्रतिशतले घटेमा वा बढेमा ४० मिनेटका लागि कारोबार स्थगित हुन्छ । ६ प्रतिशतले बजार घटेमा वा बढेमा उक्त दिनका लागि बजार बन्द हुने व्यवस्था छ ।
यसअघि, नेप्से प्रिओपन सेसनमै ३४ अंकले घटेको थियो । यही भदौ २३ र २४ गते भएको जेनजी प्रदर्शनको असर नौ दिनपछि बिहीबार खुलेको शेयर बजारमा देखिएको छ।
प्रतिक्रिया दिनुहोस्