काठमाडौं । सीजी ब्रान्डले दसैँ टीका फोटो शेयर एण्ड विन कन्टेस्टकी विजेता सीता खनाल सापकोटालाई ४३ इन्चको सीजी मेरिडिया ४३ अल्ट्रा एचडी टेलिभिजन प्रदान गरेको छ ।
बुढानिलकण्ठ निवासी खनालले दसैँको टीकाको तस्बिर डिजिटल रूपमा शेयर गरेर प्रतियोगितामा सहभागिता जनाएकी थिएन् । विजेता बनेकी उनले पुरस्कार ग्रहणपछि खुसी व्यक्त गर्दै भनिन,‘यस्तो सुन्दर अवसरका लागि म सीजीलाई धन्यवाद दिन चाहन्छु ।’
दसैँको पारिवारिक खुसी, संस्कृति र भावनात्मक सम्बन्धलाई प्रवद्र्धन गर्ने उद्देश्यले सञ्चालन गरिएको प्रतियोगितामा देशभरबाट सयौँले फोटो पठाएर सहभागिता जनाएको कम्पनीले जनाएको छ । टीका लगाएको तस्बिरहरू शेयर गर्दा नेपाली सांस्कृतिक र सामुदायिक भावना झल्किएको सीजी ब्रान्डको भनाइ छ ।
विजेतालाई टेलिभिजन सीजी होम एप्लायन्सेजका प्रतिनिधि भरत प्रसाद साह र सज्ञान ढकालले हस्तान्तरण गरेका थिए ।
४० वर्षभन्दा बढी समयदेखि नेपाली इलेक्ट्रोनिक्स बजारमा अग्रणी स्थानमा रहेको सीजी इलेक्ट्रोनिक्सले नवप्रवर्तन, गुणस्तरीय उत्पादन तथा उत्कृष्ट ग्राहक सेवामार्फत विश्वास कायम राख्दै आएको छ । कम्पनीले देशभर २० वटा शोरुम र ४० भन्दा बढी सेवा केन्द्रमार्फत बिक्रीपछिको सेवा उपलब्ध गराउँदै आएको छ ।
प्रतिक्रिया दिनुहोस्