काठमाडौं । हायात रिजेन्सी काठमाडौंले आर्थिक संकटको कारण देखाउँदै होटलका सबै कर्मचारी हटाएको छ । होटल व्यवस्थापनले बुधबार सूचना जारी गर्दै श्रम ऐन २०७४ को दफा १४५ अनुसार श्रमिक कटौती गरेको जानकारी गराएको हो ।
गत भदौ २३ र २४ गतेको जेनजी आन्दोलनमा भएको आगजनी तथा तोडफोडले होटललाई ठूलो आर्थिक क्षति भएको र तत्काल सञ्चालनमा आउने अवस्था नभएकोले कर्मचारीलाई हटाएको होटलको भनाइ छ ।
होटलका महाप्रबन्धक आशीष कुमारले मानव संशाधन विभागलाई पत्र लेख्दै श्रमिकको व्यवस्थापन सम्बन्धी विकल्पमा प्रतिष्ठानमा क्रियाशील ट्रेड युनियनसँग छलफल गर्दा कुनै निष्कर्ष नआएकाले सम्पूर्ण श्रमिक कटौती गर्नुपरेको उल्लेख गरेका छन् ।
उनले ३० दिन अर्थात् मंसिर २२ गतेदेखि लागू हुने गरी श्रम ऐन २०७४ को दफा १४५ बमोजिम सम्पूर्ण श्रमिक कटौती गरिएको बताएका छन् । होटलका प्रशासनका अनुसार, विदेशी पर्यटकको आगमन घट्दा आयमा कमी आएको र अन्तर्राष्ट्रिय बजारमा होटल व्यवसाय पुनः उकासिन नसक्दा कर्मचारीलाई कटौती गर्न गरेको उल्लेख छ ।
होटलका महा–प्रबन्धक आशिष कुमारद्वारा हस्ताक्षरित सूचनामा भनिएको छ, ‘हालको अवस्था र आर्थिक क्षतिका कारण होटल सञ्चालन निरन्तर गर्न असम्भव भएकाले २०७४ को श्रम ऐन बमोजिम २३१ जना श्रमिक कटौती गर्नुपरेको छ ।’
प्रतिक्रिया दिनुहोस्