काठमाडौं । सेवा हाइड्रो लिमिटेडले आईपीओ निष्कासनसम्बन्धी विशेष प्रस्ताव पारित गर्न साधारण सभा आह्वान गरेको छ । कम्पनीको सञ्चालक समितिको बैठकले बानेश्वरस्थित कम्पनीको कार्यालयमा मंसिर २७ गते सभा सञ्चालन गर्ने निर्णय गरेको हो ।
कम्पनीले आगामी साधारण सभामा सर्वसाधारणका लागि आईपीओ निष्कासन गर्ने प्रस्तावलाई अनुमोदन गर्नेछ । साथै, आईपीओ जारी गर्न आवश्यक सम्पूर्ण प्रक्रिया तथा कानुनी व्यवस्थापालनको जिम्मेवारी सञ्चालक समितिलाई प्रदान गर्ने विशेष प्रस्ताव पनि सभामा पेश हुने कम्पनीले जनाएको छ ।
त्यसैगरी, गत आर्थिक वर्षको वार्षिक प्रतिवेदन, लेखापरीक्षण प्रतिवेदन तथा अन्य वित्तीय विवरण समेत सभाबाट पारित गरिनेछ । हाल आईपीओ जारी गर्ने तयारीमा रहेको सेवाले नेपालका लगानीकर्तालाई प्राथमिक शेयरमार्फत स्वामित्व प्रदान गर्ने प्रक्रिया अघि बढाइरहेको जनाएको छ।
प्रतिक्रिया दिनुहोस्