सुनको भाउ १४ सय रुपैयाँले सस्तियो, तोलाको कति ?

काठमाडौं । स्थानीय बजारमा आज सुनचाँदीको मूल्यमा सामान्य गिरावट आएको छ।

विज्ञापन

गत आइतबारको तुलनामा सोमबार ९०० रुपैयाँले घटेको सुनको भाउ आज १४ सय रुपैयाँले सस्तिएको हो । नेपाल सुनचाँदी व्यवसायी महासङ्घका अनुसार आज छापावाल सुन प्रतितोला दुई लाख ८८ हजार रुपैयाँ कायम भएको छ ।

अघिल्लो कारोबार दिन एक तोला सुनको मूल्य दुई लाख ८९ हजार ४०० रुपैयाँ तोकिएको थियो । यस्तै, आइतबार दुई लाख ९० हजार ३०० रुपैयाँमा खरिदबिक्री भएको सुन गत शुक्रबार प्रतितोला दुई लाख ९० हजार ७०० रुपैयाँमा किनबेच भएको थियो ।

यसैगरी, आज चाँदीको भाउ समेत केही घटेको छ। सोमबार चार हजार पाँच सय ८५ रुपैयाँमा कारोबार चाँदीको मूल्य मंगलबार चार हजार ५५५ रुपैयाँ निर्धारण भएको महासंघले जनाएको छ। यो मूल्य अघिल्लो कारोबार दिनको तुलनामा ३० रुपैयाँ सस्तो हो ।

अन्तर्राष्ट्रिय बजारमा आज सुन प्रतिऔंस ४ हजार एक सय २५ अमेरिकी डलरमा कारोबार भइरहेको छ।