दोहोरो अंकले बढ्यो नेप्से,६ अर्ब माथिको कारोबार

 काठमाडाैं। साताको अन्तिम कारोबार दिन बिहीबार नेप्से परिसूचक १०.४३ अंकले बढेर २ हजार ६७६.०३ विन्दुमा आइपुगेको छ । यो दिन ३३ कम्पनीले १ करोड ४६ लाख कित्ता शेयर किनबेचगर्दा ६ अर्ब ६६ करोड २३ लाख रुपैयाँको कारोबार भएको छ । सर्वाधिक कारोबार हुने कम्पनीमा एनआरएन इन्फाष्ट्रचर,न्यादी ग्रुप पावर, हिमालयन रिइन्स्योरेन्स, सिइडीबी होल्डिङ, युनाइटेड मोदी हाइड्रो पावर कम्पनीको १४ करोड ५० लाख रुपैयाँदेखि ४० करोड १७ लाख रुपैयाँसम्मको कारोबार भएको छ ।

यो दिन सागर डिस्टिलरी, स्वस्तिक लघुवित्त, झापा इनर्जी, श्रीनगर एग्रीटिच इण्डष्ट्रीज, एनआरएन इन्फाष्ट्रचर डेभलपमेन्टको शेयर मूल्य ९.६२ प्रतिशतदेखि १० प्रतिशतसम्मले बढेको छ ।

त्यस्तै, हिमस्टार उर्जा कम्पनी, फ्रस्ट माइक्रो फाइनान्स लघुवित्त वित्तीय संस्था, माहुली लघुवित्त, जोशी हाइड्रो कम्पनीको शेयर मूल्यमा ३ प्रतिशतदेखि ७.७८ प्रतिशतसम्मले घटेको छ ।

यो दिन कारोबारमा आएका १३ वटा समूहको सूचकमध्ये बाणिज्य समूहको सूचक१.४९ प्रतिशतले बढ्दा, विकास बैंक, होटल समूह, जलविद्युत, लगानीगत समूह, लाइफ इन्स्योरेन्स, म्यूचुअल फण्ड, निर्जीवन बीमा समूहको सूचक सामान्यले बढेको छ ।

 

प्रतिक्रिया दिनुहोस्