कर्पोरेट समाचार 
काठमाडौं । प्रभु बैंकका नायव प्रमुख कार्यकारी अधिकृत (डीसीईओ) पनि पक्राउ परेका छन् । आइतबार नेपाल प्रहरीको केन्द्रीय अनुसन्धान ब्यूरो (सीआईबी)ले बैंकका प्रमुख कार्यकारी अधिकृत (सीईओ) अशोक शेरचनसँगै डीसीईओ मणिराम पोखरेललाई पनि पक्राउ गरेको हो ।
सीआईबीले बैंकिङ कसुरमा उनीहरुलाई पक्राउ गरेको हो ।
सीआईबीका प्रवक्ता तथा प्रहरी वरिष्ठ उपरीक्षक शिव कुमार श्रेष्ठका अनुसार डीसीईओ पोखरेलसँगै कर्मचारी पनि पक्राउ परेका छन् । तर, पक्राउ परेका कर्मचारीको बारेमा भने विवरण खुलाएको छैन्।
गत कात्तिक २२ गते सीआईबीले बैंकको केन्द्रीय कार्यालयमा छापा मारी महत्वपूर्ण कागजात नियन्त्रणमा लिएको थियो।
प्रतिक्रिया दिनुहोस्