सुन तोलाको एक हजार रुपैयाँले घट्दा चाँदीको मूल्य बढ्यो

काठमाडौं । साताको तेस्रो कारोबार दिन मंगलबार स्थानीय बजारमा सुनको मूल्यमा गिरावट आएको छ ।

सोमबारको तुलनामा मंगलबार सुन प्रतितोला एक हजार रुपैयाँले घटेर २ लाख ५१ हजार ९०० रुपैयाँ मूल्य कायम भएको छ। अघिल्लो कारोबार दिन त्यति नै परिमाणको सुन २ लाख ५२ हजार ९०० रुपैयाँमा खरिदबिक्री भएको थियो । त्यस्तै, आइतबार भने सुन प्रतितोला २ लाख ५२ हजार २०० रुपैयाँ मूल्यमा किनबेच भएको थियो ।

यस्तै, आज चाँदीको मूल्य प्रतितोला १५ रुपैयाँले बढेको छ। सोमबार ३ हजार ५८५ रुपैयाँ कायम रहेको चाँदी आजको लागि ३६ सय रुपैयाँ मूल्य निर्धारण भएको नेपाल सुनचाँदी व्यवसायी महासंघले जनाएको छ । अघिल्लो दिन चाँदी प्रतितोला २० रुपैयाँले घटेको थियो ।

प्रतिक्रिया दिनुहोस्