कर्पोरेट समाचार 
काठमाडौं। रिलायन्स स्पीनिङ मिल्सको शेयर बुक बिल्डिङ प्रक्रियाबाट निष्काशन गर्ने क्रममा भएका काम–कारबाहीका सम्बन्धमा निष्पक्ष छानबिन गर्न समिति गठन गरिएको छ। बोर्डको मिति २०८२/०९/०४ गतेको निर्णयअनुसार १५ दिनभित्र छानबिन प्रतिवेदन पेश गर्ने गरी समिति गठन गरिएको हो।
बोर्ड सदस्य बिनोद कुमार भट्टराईको संयोजकत्वमा गठन गरिएको समितिमा बोर्ड सदस्यहरू आनन्द राज शर्मा वाग्ले र पिताम्बर भण्डारी सदस्य रहेका छन्। समितिलाई आवश्यकताअनुसार अन्य व्यक्तिहरूलाई समेत आमन्त्रण गर्न सक्ने अधिकार दिइएको छ।
समितिले रिलायन्स स्पीनिङ मिल्सको शेयर बुक बिल्डिङ प्रक्रियामा भएका सम्पूर्ण गतिविधि र निर्णयहरूको अध्ययन–विश्लेषण गरी निष्पक्ष प्रतिवेदन तयार गर्ने जनाइएको छ। उक्त प्रतिवेदनका आधारमा आवश्यक निर्णय र कारबाही अघि बढाइने बोर्डले जनाएको छ।
प्रतिक्रिया दिनुहोस्