सुनचाँदीको मूल्य सामान्य गिरावट, कतिमा हुँदैछ आज कारोबार?

काठमाडौं। केही दिनदेखि निरन्तर उकालो लागेको सुनचाँदीको मूल्यमा आज सामान्य गिरावट देखिएको छ ।

नेपाल सुनचाँदी व्यवसायी महासंघका अनुसार आज सुनको मूल्य ६०० रुपैयाँले घटेर प्रतितोला दुई लाख ६७ हजार ५०० रुपैयाँ कायम भएको छ ।
बुधबार छापावाल सुन प्रतितोला दुई लाख ६८ हजार १०० रुपैयाँ पुगेर हालसम्मकै महँगो मूल्यको रेकर्ड कायम भएको थियो ।

यस्तै, आज चाँदीको मूल्य पनि तोलामा २० रुपैयाँले घटेर ४ हजार ४०० रुपैयाँ कायम भएको महासंघले जनाएको छ। अघिल्लो कारोबार दिन चाँदीको भाउ प्रतितोला चार हजार ४२० रुपैयाँ तोकिएको थियो ।

साताको पहिलो कारोबार दिनदेखि नै निरन्तर वृद्धि भैरहेको सुनचाँदीको भाउमा आज भने सामान्य गिरावट देखिएको हो । पुस महिनाको सुरुमा २ लाख ५९ हजार कायम रहेको सुनको भाउ १० गतेसम्म आइपुग्दा करिब नौ हजार रुपैयाँ बढिसकेको छ।

 

प्रतिक्रिया दिनुहोस्