काठमाडौं। सालपा विकास बैंक लिमिटेडले पुस १६ गतेदेखि आज पुस २० गते आइतबारसम्म सर्वसाधारणका लागि निष्काशन गरेको आईपीओमा २३ लाख ८३ हजार ४ सय ७ जनाको आवेदन परेको छ ।
आज अन्तिम दिन अन्तिम समयसम्म २ करोड ७८ लाख ८४ हजार ५ सय ७० कित्ताका लागि आवेदन परेको हो ।
बैंकले वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँटपछि सर्वसाधारणका लागि आईपीओ निष्काशन गरेको हो ।
बैंकले जारी पूँजी ५२ करोड २३ लाख ८८ हजार रुपियाँको ३३ प्रतिशतले हुन आउने १७ करोड २३ लाख ८८ हजार रुपियाँ बराबरको १७ लाख २३ हजार ८८० कित्ता आईपीओ निष्काशन गर्ने अनुमति पाएको थियो ।
यसमध्ये विदेशमा रोजगारी गरिरहेका नेपालीहरुका लागि र सामूहिक लगानी कोषहरुका लागि आईपीओ बाँडफाँट गरिसकेको छ ।
२६ हजार ११९ कित्ता शेयर बैंकका कर्मचारीहरुलाई सुरक्षित राखी बाँकी रहने १४ करोड ३९ लाख १७ हजार ९०० रुपियाँबराबरको १४ लाख ३९ हजार १७९ कित्ता शेयर सर्वसाधारणका लागि निष्काशन गरेको बिक्री प्रबन्धक मुक्तिनाथ क्यापिटल लिमिटेडले जनाएको छ ।
उक्त कम्पनीको शेयर १ लाख ४३ हजार ९ सय ८ जनाले १०–१० कित्ता र ९ जनाले ११–११ कित्ताका दरले पाउने छन् ।
प्रतिक्रिया दिनुहोस्