सुनको मूल्य ४६ सयले बढेर पुनः दुई लाख ६५ हजार रुपैयाँ नाघ्यो

काठमाडौं। नेपाली बजारमा साताको दोस्रो कारोबार दिन आज चाँदीको मूल्य ह्वात्तै बढेको छ । आइतबार तोलामा २१ सय रुपैयाँले घटेर प्रतितोला दुई लाख ६० हजार ४०० रुपैयाँ कायम भएको सुन आज एकैदिन चार हजार ६ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार सोमबार सुन प्रतितोला दुई लाख ६५ हजार रुपैयाँ कायम भएको छ । गत साताको अन्तिम दिन शुक्रबार सुन प्रतितोलामा दुई लाख ६२ हजार ५०० रुपैयाँमा कारोबार भएको थियो।

महासंघका अनुसार आज चाँदीको भाउ पनि अघिल्लो कारोबार दिनको तुलनामा बढेको छ । आइतबार चार हजार ५०० रुपैयाँमा किनबेच भएको चाँदी आज प्रतितोला चार हजार ६८५ रुपैयाँ पुगेको हो । सोमबार एकैदिन चाँदीको भाउ १८५ रुपैयाँले वृद्धि भएको छ । शुक्रबार एक तोला चाँदी चार हजार ५२५ रुपैयाँमा खरिदबिक्री भएको थियो।

प्रतिक्रिया दिनुहोस्