काठमाडौं । कामना सेवा विकास बैंक लिमिटेडले असहाय वृद्धवृद्धा एवं बालबालिकालाई न्यानो सामग्री प्रदान गरेको छ ।
आफ्नो संस्थागत सामाजिक उत्तरदायित्व अन्तर्गत शाखा कार्यालय लम्की मार्फत लम्की मानवसेवा आश्रम, कैलालीका असहाय, बेसाहारा तथा संरक्षणविहीन वृद्ध आमाबुबा र टुहुरा बालबालिकालाई न्यानो सामग्री वितरण गरेको बैंकले जनाएको छ ।
बैंकको लम्की शाखा प्रमुख भिम राज जैसीले लम्की मानवसेवा आश्रम, कैलालीका सञ्चालक विनोद थापालाई ब्लाङकेट, म्याट्रेस, सिरक तथा अन्य चिसो मौसमका लागि आवश्यक न्यानो कपडा वितरण गरेका हुन् । प्रमुख जैसीले बैंकले सामाजिक उत्तरदायित्व अन्तर्गत गरिएको सो कार्यक्रम लम्की मानव सेवा आश्रमलाई महत्वपुर्ण सहयोग पुग्ने विश्वास व्यक्त गरे ।
जाडोयाममा न्यानो सामग्री उपलब्ध गराएकोमा आश्रमा रहेका बेसाहारा वृद्ध तथा बालबालिकाहरुको जीवनमा न्यानोपन, सुरक्षा तथा आत्मबल थपिने सञ्चालक थापाको विस्वास छ । बैंकले आगामी दिनहरुमा समेत सरोकारवालाहरुको समन्वय तथा सहकार्यमा
समाजप्रति संस्था उत्तरदायी रहँदै आवश्यक सहयोगका कार्यक्रमहरु सञ्चालन गर्ने जनाएको छ ।
प्रतिक्रिया दिनुहोस्