काठमाडौं । प्रभु बैंक लिमिटेडको २४औं वार्षिक साधारण सभा सम्पन्न भएको छ । बुधबार बैंक सञ्चालक समितिका अध्यक्ष किशोरजङ्ग कार्कीको अध्यक्षतामा बुधबार बबरमहलस्थित बैंककै प्रधान कार्यालयमा सम्पन्न सभाले सञ्चालक समितिको प्रतिवेदन सहित गत आ.व. ०८१/०८२ को वासलात, नाफा नोक्सान हिसाब र नगद प्रवाह विवरण लगायतका प्रतिवेदनहरु पारित गरेको छ ।
यस्तै, सभाले बैंकको सहायक कम्पनी प्रभु क्यापिटल लिमिटेड र प्रभु स्टक मार्केट लि.को गत आ.व. २०८१/०८२ को एकीकृत वित्तीय विवरण पनि पारित गरेको जनाएको छ ।
वार्षिक साधारण सभामा छलफल तथा निर्णयार्थ प्रस्तुत सबै प्रस्तावहरु सर्वसम्मत रुपमा पारित भएका छन् ।
प्रतिक्रिया दिनुहोस्