काठमाडौं। नेपाल उद्योग वाणिज्य महासंघ अन्तर्गत महिला उद्यमी विकास समितिकी सभापति कमला श्रेष्ठले मानार्थ विद्यावारिधी उपाधि पाएकी छन् ।
व्यवसायी श्रेष्ठलाई मलेसियामा हालै सम्पन्न समारोहमा आसियान युनिभर्सिटी इन्टरनेशनलले मानार्थ विद्यावारिधी उपाधि
‘डिग्री अफ डक्टर अनरिज काउजा (डा. एचसी)’ प्रदान गरेको हो । आसियान युनिभर्सिटी इन्टरनेशनल युरोपियन एशोसिएसन फर हाइअर एजुकेसन एडभान्समेन्ट (ईएएचईए) सँग आवद्ध छ ।
नेपाल उद्योग वाणिज्य महासंघको कार्यकारिणी समिति सदस्य श्रेष्ठ सौंदर्यकला व्यवसायी संघ, नेपालकी अध्यक्ष समेत हुन् । उनले महिला उद्यमशीलता विकास र आत्मनिर्भरताका लागि दशकौंदेखि सक्रिय भूमिका निर्वाह गर्दै आएकी छन् ।
प्रतिक्रिया दिनुहोस्