काठमाडौं । कामना सेवा विकास बैंक लिमिटेडले शाखा कार्यालय सुर्खेत मार्फत वीरेन्द्रनगर नगरपालिका– ०९, पर्सेनी स्थित श्री कोपिला माध्यमिक विद्यालयलाई सामग्री वितरण गरेको छ ।
आफ्नो संस्थागत सामाजिक उत्तरदायित्व अन्तर्गत बैंकले विद्यालयलाई कुर्सी तथा विद्यार्थीहरुका लागि न्यानो कपडा वितरण गरेको जनाएको छ । बैंकको सुर्खेत शाखा प्रमुख सुनिल आचार्यले विद्यालयका प्रधानाध्यापक टेकनारायण उपाध्यायलाई ८० थान कुर्सी र ८० जना विद्यार्थीका लागि न्यानो कपडा वितरण गरेका हुन् ।
सुर्खेत शाखा प्रमुख आचार्यले बैंकको उक्त सहयोगले विद्यालयमा अध्ययनरत विपन्न तथा गरिब विद्यार्थीहरुलाई महत्वपुर्ण सहयोग पुग्ने विश्वास व्यक्त गरे भने प्रधानाध्यापक उपाध्यायले उक्त सहयोगप्रति आभार प्रकट गरेका छन् ।
प्रतिक्रिया दिनुहोस्