काठमाडौं । नेपाल एसबिआई बैंक लिमिटेडका सञ्चालकहरुले आफ्ना सबै कर्मचारीहरुसँग संस्थामा उच्च रुपमा एएमएल र सीएफटी का प्रावधानहरु पालना गर्ने/गराउने सम्बन्धमा प्रतिज्ञा खुवाएर बाधा लिएका छन् ।
बुधबार ‘सम्पत्ति शुद्धीकरण राष्ट्रिय निवारण दिवस’ को अवसरमा बैंकको सबै कार्यालयका कर्मचारीहरूद्वारा सम्पत्ति शुद्धीकरण र आतङ्कवादी क्रियाकलापमा वित्तीय लगानी वा अन्य गैरकानुनी प्रयोजनका लागि दुरुपयोग हुनबाट बचाउने प्रतिज्ञा लिएका हुन् ।
बैंकका प्रबन्ध संचालक तथा प्रमुख कार्यकारी अधिकृत राम कुमार तिवारीले प्रधान कार्यालय, काठमाडौंमा बुधबार सम्पूर्ण कर्मचारीहरुलाई एक कार्यक्रमका बीच एन्टी मनी लाउन्डरिङ (एएमएल) तथा कम्ब्याटिङ द फाइनान्सिङ अफ टेररिज्म (सीएफटी) सम्बन्धी प्रावधानहरु पढ्न लगाई प्रतिज्ञा गराएका हुन् ।
उक्त कार्यक्रममा बैंकका नायब प्रमुख कार्यकारी अधिकृत तथा प्रमुख संचालन अधिकृत विकास आनन्द, प्रमुख वित्तिय अधिकृत राजेश कुमार पंडा, प्रमुख व्यवसाय प्रबर्धन अधिकृत, प्रबिण मुनि बज्राचार्य र अन्य वरिष्ठ पदाअधिकारीहरूको उपस्थिति रहेको बैंकले जनाएको छ । सो अवसरमा बैंकका प्रदेश तथा शाखा कार्यालयका कर्मचारीहरुले समेत आ–आफ्ना कार्यालयहरुमा प्रतिज्ञा लिएका छन् । नेपाल सरकारले माघ १४ गतेलाई राष्ट्रिय सम्पत्ति शुद्धिकरण निवारण दिवसको रुपमा मनाउँदै आएको छ।
प्रतिक्रिया दिनुहोस्