एकैदिन सुन ५६ सय र चाँदी ३७५ रुपैयाँले बढ्यो, दुवै धातुको कारोबार मूल्य कति ?

काठमाडौं । नेपाली बजारमा आइतबार सुनचाँदीको भाउ वृद्धि भएको छ। अघिल्लो कारोबार दिन (शुक्रबार) स्थिर रहेको सुनको मूल्य साताको पहिलो कारोबार दिन आज प्रतितोला पाँच हजार ६ सय ले बढेर पुनः तीन लाख १० हजार रूपैयाँ नाघेको छ ।

नेपाल सुनचाँदी व्यवसायी महासंघका अनुसार आज सुन प्रतितोला तीन लाख १० हजार तीन सय रूपैयाँ पुगेको हो। शुक्रबार एक तोला सुन तीन लाख चार हजार सात सय रूपैयाँमा कारोबार भएको थियो।

यस्तै, आज चाँदीको मूल्य पनि बढेको छ। शुक्रबार तोलामा पाँच हजार ५० रूपैयाँमा कारोबार भएको चाँदी आइतबार ३७५ रुपैयाँले बढेको छ। आज चाँदी प्रतितोला पाँच हजार चार सय २५ रूपैयाँमा कारोबार भइरहेको महासंघले जनाएको छ।

अन्तर्राष्ट्रिय बजारमा आज सुन प्रतिऔंस पाँच हजार एक सय ७ अमेरिकी डलरमा कारोबार भइरहेको छ।

प्रतिक्रिया दिनुहोस्