काठमाडौं । स्थानीय बजारमा आज सुनचाँदीको मूल्यमा सामान्य उतारचढाव आएको छ। गत शुक्रबारको तुलनामा आज सुन तोलामा एक हजारले घट्दा चाँदीको मोल भने २५ रुपैयाँले वृद्धि भएको छ।
नेपाल सुनचाँदी व्यवसायी महासङ्घका अनुसार आज छापावाल सुनको भाउ प्रतितोला दुई लाख ९८ हजार ९०० रुपैयाँ तोकिएको छ । यस्तै, त्यति नै परिमाणको चाँदी पाँच हजार ३०० रुपैयाँमा कारोबार भैरहेको महासंघले जनाएको छ ।
गत शुक्रबार एक तोला सुन दुई लाख ९९ हजार ९०० र त्यति नै परिमाणको चाँदी पाँच हजार २७५ रुपैयाँमा खरिदबिक्री भएको थियो । आज अन्तर्राष्ट्रिय बजारमा एक औँस सुन चार हजार ७१५ र त्यति नै परिमाणको चाँदी ८० अमेरिकी डलरमा कारोबार भइरहेको छ ।
प्रतिक्रिया दिनुहोस्