काठमाडौं । नेपाली बजारमा सोमबार सुनको मूल्य बढ्दा चाँदीको मोल घटेको छ। आइतबार तोलामा ४५ सय रूपैयाँ घटेको सुनको भाउ आज प्रतितोला आठ सय रूपैयाँ बढेको हो।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९४ हजार आठ सय रूपैयाँ निर्धारण गरिएको छ । अघिल्लो कारोबार दिन (आइतबार) सुन प्रतितोला दुई लाख ९४ हजार रूपैयाँमा कारोबार भएको थियो।
यस्तै, आज चाँदीको भाउमा गिरावट आएको छ। आइतबार प्रतितोला पाँच हजार ६० रूपैयाँमा खरिदबिक्री भएको चाँदी आज तोलामा पाँच हजार ४० रूपैयाँ तोकिएको महासंघले जनाएको छ। यो मूल्य अघिल्लो दिनको तुलनामा प्रतितोला २० रूपैयाँ कम हो ।
अन्तर्राष्ट्रिय बजारमा आज सुन प्रतिऔंस चार हजार पाँच सय ३५ अमेरिकी डलरमा कारोबार भइरहेको छ।
प्रतिक्रिया दिनुहोस्