काठमाडौं। नेपाल बैंक लिमिटेडमा खाता रहेका ग्राहक तथा बैंकका कर्मचारीहरूले काठमाडौंको दरबारमार्गस्थित मेधर्म क्लिनिक्स प्रा.लि. मा उपचार गराउँदा विशेष छुट पाउने भएका छन्।
दुई संस्थाबिच स्वास्थ्य सेवामा सहुलियत प्रदान गर्ने सम्बन्धी एक सम्झौता पत्रमा हस्ताक्षर भएको छ।
गत जेठ १३ गते भएको उक्त सम्झौता बमोजिम नेपाल बैंकका ग्राहक र कर्मचारीहरूले मेधर्म क्लिनिक्सद्वारा तोकिएका विभिन्न उपचार सेवाको कुल बिल रकममा १५ प्रतिशत छुट प्राप्त गर्नेछन्।
सम्झौता पत्रमा नेपाल बैंक लिमिटेडका तर्फबाट बजारीकरण तथा अनुसन्धान डिभिजन प्रमुख निर्मल सुवेदी र मेधर्म क्लिनिक्सका तर्फबाट प्रमुख कार्यकारी अधिकृत (सीईओ) डा. अनुप सुवेदीले हस्ताक्षर गरे । यस साझेदारीबाट बैंकका लाखौँ ग्राहक तथा कार्यरत कर्मचारीहरू स्वास्थ्य सेवाबाट प्रत्यक्ष लाभान्वित हुने विश्वास बैंकले लिएको छ।
प्रतिक्रिया दिनुहोस्