काठमाडौं । एन आई सी एशिया बैंकले पर्वतको मोदी गाउँपालिकास्थित देउपुर स्वास्थ्य चौकीलाई विभिन्न स्वास्थ्य उपकरण तथा सामग्रीहरू सहयोग गरेको छ।
बैंकले आफ्नो संस्थागत सामाजिक उत्तरदायित्वअन्तर्गत स्थानीय स्तरमा स्वास्थ्य सेवा प्रवाहलाई थप प्रभावकारी, सहज र गुणस्तरीय बनाउने उद्देश्यले उक्त सहयोग उपलब्ध गराएको हो। बैंकले स्वास्थ्य चौकीको दैनिक कार्यसम्पादन र बिरामीको सुविधाका लागि ह्वीलचियर, स्युचर सेट, कुर्चीहरू, फुट स्टेप, डस्बिन लगायतका अन्य आवश्यक सामग्री प्रदान गरेको जनाएको छ।
बिहीबार आयोजित एक कार्यक्रमका बीच बैंकका चिफ मार्केटिङ्ग अफिसर दिपेन्द्र शर्मा र पोखरा सर्कल हेड स्वेता शेरचनले संयुक्त रूपमा उक्त सामग्रीहरू हस्तान्तरण गरेका हुन् ।
सो सामान मोदी गाउँपालिका वडा नम्बर २ का अध्यक्ष एवं स्वास्थ्य चौकी व्यवस्थापन समितिका अध्यक्ष बेल बहादुर कार्की क्षेत्री र स्वास्थ्य चौकी प्रमुख रुपेश कुमार कुशवाहालाई हस्तान्तरण गरिएको थियो। उक्त कार्यक्रममा बैंकका प्रतिनिधि, स्वास्थ्य चौकीका कर्मचारी तथा स्थानीय बासिन्दाहरूको उल्लेखनीय उपस्थिति रहेको थियो।
प्रतिक्रिया दिनुहोस्