काठमाडौं । महालक्ष्मी विकास बैंकले इन्डियन चेम्बर अफ कमर्स (आईसीसी), भारतबाट ‘राइजिङ स्टार–ग्रोथ’ अवार्ड प्राप्त गरेको छ।
नयाँ दिल्लीमा शुक्रबार सम्पन्न ‘चौथो इमर्जिङ एसिया बैंकिङ कन्क्लेभ एण्ड अवार्ड्स २०२६’ मा बैंकलाई डिजिटल बैंकिङ विस्तार, नवीन वित्तीय उत्पादन विकास, व्यवसाय विस्तार, वित्तीय पहुँच अभिवृद्धि तथा उत्तरदायी बैंकिङमा उत्कृष्ट योगदानका लागि ‘राइजिङ स्टार–ग्रोथ’बाट सम्मानित गरिएको बैंकले जनाएको छ।
गत वर्ष पनि बैंकले ‘सम्पत्ति गुणस्तर’ विधामा यही अवार्ड प्राप्त गरेको थियो। बैंकका अनुसार यस सम्मानले अन्तर्राष्ट्रिय क्षेत्रमा बैंकको पहिचान थप मजबुत बनाउन सहयोग पुग्नेछ।
प्रतिक्रिया दिनुहोस्