काठमाडौं । सरकारले आगामी भदौ २२ गते राष्ट्रिय शोक घोषणा गरेको छ।
बिहीबार बसेको मन्त्रिपरिषद् बैठकले यही भदौ १० गते आएको विनाशकारी बाढीमा परि मृत्युवरण गरेका नागरिकको १३औं दिन पारेर सम्मान स्वरुप भदौ २२ गते राष्ट्रिय शोक मनाउने निर्णय गरेको हो । ‘उक्त दिन देशभरका सरकारी कार्यालय तथा विदेशस्थित नेपाली दूतावास नियोगहरुमा राखिएको झण्डा आधा झुकाउने निर्णय भएको छ,’ सरकारका प्रवक्ता समेत रहेका शिक्षा मन्त्री सस्मित पोखरेलले भने ।
यसैगरी, अघिल्लो वर्ष भदौ २३ र २४ गते भएको जेनजी आन्दोलनको सम्झनामा सरकारले भदौ २३ गतेका दिन जेनजी शहीद दिवस मनाउने निर्णय पनि गरेको छ। उक्त अवसरमा देशभर सार्वजनिक बिदा दिने सरकारका प्रवक्ता पोखरेलले जानकारी दिए।
प्रतिक्रिया दिनुहोस्