काठमाडौँ । संस्कृति, पर्यटन तथा नागरिक उड्डयनमन्त्री बद्री पाण्डेले नेपालका विविध संस्कृति, प्रकृति र सम्पदाहरू खुला संग्राहलय भएको उल्लेख गर्दै जीवित सम्पदाहरूले नेपाल धनी रहेको बताएका छन् ।
आज प्रा.डा. सोमप्रसाद खतिवडाद्वारा लिखित ‘हनुमानढोका दरबार क्षेत्रका मुर्त सांस्कृतिक सम्पदा’ नामक पुस्तक र हुनुमान ढोका स्मारिकाको विमोचन गर्दै मन्त्री पाण्डेले यस्तो बताएका हुन् । ‘हामी जीवित सम्पदाहरूले धनी छौं। विविध संस्कृति,प्रकृति र सम्पदाहरू खुला संग्राहलयका रूपमा रहेका छन्। यसलाई चलायमान् बनाउन आवश्यक छ’ मन्त्री पाण्डेले भने।
पाण्डेले सम्पदाहरू ठूलो पूँजीको रूपमा रहेको उल्लेख गर्दै जल, जंगल र जडिबुटी जस्ता जैविक सम्पदाको संरक्षणको आवश्यकता औँल्याए । प्राकृतिक सम्पदाहरू जोगाउनका लागि प्राज्ञिक रूपमा बहस र छलफल हुनुपर्नेमा उनले जोड दिए । उनले हनुमानढोका दरबार क्षेत्रको मुर्त सांस्कृतिक सम्पदा नामक पुस्तकले अनुसन्धात्मक रहेको भन्दै प्रशंसा समेत गरे ।
प्रतिक्रिया दिनुहोस्