सुन तोलाको १ लाख ७० हजार नाघ्यो

काठमाडौं । नेपाली बजारमा सुनको मूल्य उकालो लाग्ने क्रमले आज पनि निरन्तरता पाएको छ ।

विज्ञापन

आज सुन प्रतितोला ४०० रुपैयाँले बढेको छ । बिहीबार २३ सय रुपैयाँले बढेको सुन आज पनि ४०० रुपैयाँले उकालो लागेर प्रतितोला एक लाख ७० हजार २०० सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बिहीबार सुन प्रतितोला एक लाख ६९ हजार आठ सय रुपैयाँ निर्धारण गरिएको थियो। चाँदी आज तोलामा पाँच रुपैयाँले बढेर एक हजार नौ सय ७० रुपैयाँमा कारोबार भइरहेको छ।