काठमाडौं । साताको अन्तिम कारोबार दिन बिहीबार सेयर बजार ८.६० अंकले घटेको छ । नेप्से परिसूचक आज २६६७.६ विन्दुमा कायम भएको छ ।
यस दिन पाँच अर्ब ६३ करोड ७९ लाख रुपैयाँबराबरको सेयर किनबेच हुँदा एक करोड १३ लाख ८४ हजार कित्ता सेयर ४९ हजार ६३२ पटकमा खरिद–बिक्री भएको नेपाल स्टक एक्सचेन्ज (नेप्से) ले जनाएको छ ।
११३ कम्पनीको सेयर मूल्य बढेको छ । १३१ कम्पनीको सेयर मूल्य घट्दा एउटा कम्पनीको मूल्यमा भने कुनै परिवर्तन भएको छैन । यसदिन नेपाल माइक्रो फाइनान्स र क्रेस्ट माइक्रोलाइफ इन्स्योरेन्सको सेयर मूल्य ९.९८ प्रतिशले बढेको छ ।
मेन्छियाम हाइड्रोपावर, ङादी ग्रुप, राधी विद्युत् कम्पनी उच्च कमाउने शीर्ष स्थानमा परे । राधीको ३५ करोड ९४ लाख रुपैयाँ बढीको कारोबार भएको छ ।
समूहगत उपसूचकतर्फ जलविद्युत् ०.०९, माइक्रो फाइनान्स ०.२३, म्युचअल फन्ड ०.१९ प्रतिशतले बढेका छन् । बाँकी समूह सूचक राताम्य देखिएको छ ।
प्रतिक्रिया दिनुहोस्