नाफा बुक गर्ने लगानीकर्ताहरुको होडले किनबेचमा चाप पर्दा घट्यो नेप्से

काठमाडाैं । साताको अन्तिम कारोबार दिन बिहीबार नेप्से परिसूचक दोहोरो अंकले घटेको छ । यो दिन नेप्से परिसूचक १२.०४अंकले घटेर २ हजार ६६१.६४ विन्दुमा बन्द भएको हो ।

विज्ञापन

बिहीबार १५० वटा कम्पनीको शेयर मूल्य घटेको छ भने ९६ वटा कम्पनीको शेयर मूल्य बढेको छ । नेपाल माइक्रो इन्स्योरेन्स,ग्रेस्ट माइक्रो लाइफ इन्स्योरेन्स, च्याङ्दी हाइड्रो, ओमश्री फार्मास्यूटिकल्स, आइसीएफसी फाइनान्सको शेयर मूल्य १० प्रतिशतले बढेर सकारात्मक सर्किट लागेको छ ।

त्यस्तै यो दिन नारायाणी डेभलपमेन्ट बैंक, सप्तकोशी डेभलपमेन्ट बैंक, सिन्धु विकास बैंकको शेयर मूल्यमा भारी पहिरो गएको छ । यी बैंकको ४ प्रतिशतदेखि ७ प्रतिशतसम्मले घटेको छ । अघिल्लो दिन बजार बढ्दा यो दिन लगानीकर्ताहरुले नाफा बुक गर्दा कारोबार रकम बढेको छ । यो दिन ३ करोड कित्ता शेयर किनबेचहुँदा ११ अर्ब ६५ करोड रुपैयाँको कारोबार भएको छ ।

सर्वाधिक कारोबार गर्ने कम्पनीमा न्यादी ग्रुप पावर, सानिमा मई हाइड्रो पावर, युनिभर्सल पावर कम्पनी र राधि विद्युत कम्पनीको ४३ करोड ३९ लाख रुपैयाँदेखि ७८ करोड ४५ लाख रुपैयाँको कारोबार भएको छ ।

विशेषगरी नेपाल राष्ट्र बैंकको गभर्नर नियुक्ती प्रक्रिया अनिश्चत बन्दा शेयर बजारप्रति लगानीकर्ता निराश बनेका छन् । गभर्नर नियुक्ती वित्तीय क्षेत्रसँग सरोकार राख्ने एउटा महत्वपूर्ण पद हो । उनले ल्याउने नीतिमा आर्थिक रुपमा फरक पर्दछ । करिब एकमहिनासम्म पनि गभर्नर नियुक्ती हुन सकेको छैन । प्रतिस्पर्धामा हालकी कामु गभर्नर निलम तिमल्सिना, डा. गुणाकर भट्ट र ज्ञानेन्द्र ढुंगाना छन् । त्यसमध्ये कसलाइ बनाउने भन्ने अन्योल छ । हालसम्म पनि गभर्नर सिफारिस समितिको बैठक समेत बस्न सकेको छैन । जसले गर्दा शेयर लगानीकर्ताहरुको ठुलो अपेक्षाबीच पनि बजारमामा उत्तार चढाब आइरहेको लगानीकर्ताहरुको विश्लेषण छ ।