काठमाडौं । एन.आई.सी एशिया लघुवित्तले तीन प्रदेशका विभिन्न शाखामा सञ्चालन गरेको वित्तीय साक्षरता कार्यक्रम सम्पन्न भएको छ ।
लघुवित्तले यही बैशाख २६ र २७ गते दुई दिनसम्म गण्डकी, लुम्बिनी र कर्णाली प्रदेशका विभिन्न शाखाहरुमा वित्तीय साक्षरता कार्यक्रम, आधारभुत बाख्रापालन र सुन्तला खेती तालिम को आयोजना गरी सम्पन्न गरेको हो ।
लघुवित्तले तीनवटै प्रदेशहरुमा शाखाका पाउँदुरमा ५१ जना, सिरानचौरमा ३८ जना, अमरापुरीमा ४५ जना, थाकुरद्धारामा ३० जना, बागचौरमा ३८ जना, छाँयाछेत्रमा ४७ जना गरी ७ वटा शाखाहरुमा कार्यक्रम सम्पन्न गरेको जनाएको छ ।
लघुवित्तद्वारा सञ्चालित वित्तीय साक्षरता कार्यक्रममा स्थानीय तहका जनप्रतिनिधि, प्रहरी, प्रदेशका अनुगमन अधिकृत, शाखा प्रमुख र अन्य कर्मचारीहरु समेत कूल २४९ जनाले सहभागीता जनाएका थिए ।
प्रतिक्रिया दिनुहोस्