पोखरा । प्रभु बैंक लिमिटेड र इला कम्र्फट होटल एण्ड रिसोर्टबीच ग्राहक तथा कर्मचारी लक्षित सेवा उपलब्ध गराउनेबारे सम्झौता भएको छ ।
बाग्लुङ नपरपालिका वडा नम्बर–२ आवारोड स्थित इला कम्र्फट होटल एण्ड रिसोर्टका तर्फबाट महा–प्रबन्धक बुद्धि प्रसाद तिवारी र प्रभु बैंक लिमिटेडको तर्फबाट बैंकका प्रमुख क्षेत्रीय व्यापार अधिकृत (एन.बि.सि.ओ.) राजु रानाले समझदारी पत्रमा हस्ताक्षर गरेका छन् ।
सम्झौता अनुसार प्रभु बैंकका ग्राहक तथा कर्मचारीहरुले बैंकको डेबिड/क्रेडीट कार्ड तथा बैंकको अन्य कुनै विद्युतीय माध्यमद्वारा बिल भुक्तानी गर्दा इला रिसोर्टमा उपलब्ध आवास सेवामा १५ प्रतिशत छुट पाउनेछन् । यस्तै, खाना तथा मनोरञ्जन लगायतका सेवाहरुमा १० प्रतिशत छुट प्राप्त गर्न सक्नेछन् ।
पर्यटकीय स्थलको रुपमा परिचित बाग्लुङमा रहेको इला रिसोर्टसँग बैंकले गरेको यो साझेदारीले बाग्लुङ पर्यटनको प्रवद्र्धनमा सहयोग पुग्नुको साथै बैंकका ग्राहकहरु समेत लाभान्वित हुने बताइएको छ ।
प्रतिक्रिया दिनुहोस्