काठमाडौं । भारतको पर्सनल केयर तथा आयुर्वेदिक वेल्नेस कम्पनी इमामी लिमिटेडले ’नवरत्न बीट मसाज २०२५’ अभियान सञ्चालन गरेको छ ।आफ्नो उत्कृष्ट उत्पादन नवरत्न तेलको उपभोक्तालाई प्रत्यक्ष अनुभव प्रदान गराउने उद्देश्यले नेपालभरी ७० दिने अभियान सञ्चालन गरिएको हो ।
उक्त अभियान यही जेठ ११ देखि सुरु भएर साउन १७ सम्म नेपालको तराई क्षेत्रमा केन्द्रित रहने कम्पनीले जनाएको छ । यो ७० दिने अभियान पूर्वी तथा पश्चिमी नेपालका २४ जिल्लाहरूमा सञ्चालन हुनेछन् । अभियान अन्तर्गत ३०० भन्दा बढी ब्रान्डेड सैलुनहरू र ६० वटा मोबाइल स्टलमार्फत निःशुल्क २–मिनेटको नवरत्न हेड मसाज प्रदान गरिने कम्पनीले जनाएको छ।
अभियानमा खटिएका दुई टोलीले दैनिक १०० किलोमिटरभन्दा बढी यात्रा मार्फत अन्तर्क्रियात्मक स्टलहरू, सवारी साधनको ब्रान्डिङ, सार्वजनिक घोषणा र २–मिनेट च्यालेन्ज, कूल कूल पर्फमेन्स जस्ता विभिन्न गतिविधिमार्फत उपभोक्ताहरूलाई प्रत्यक्ष अनुभव प्रदान गर्नेछन्।
यस अभियानले प्रत्यक्ष संलग्नतामार्फत ६० हजार भन्दा बढी मानिससम्म पुग्ने अपेक्षा कम्पनीको छ । कम्पनीले १२ हजार भन्दा बढी वेट स्याम्पलिङ (मसाज) र ३० हजार बढी ड्राई स्याम्पलिङ (स्यासे वितरण) गर्ने जनाएको छ । नवरत्न तेलका ब्रान्ड म्यानेजर बिकास तिवारीले अभियानबारे भने,‘यो अभियानले ब्रान्डलाई हाम्रा प्रयोगकर्ताहरूसँग नजिक ल्याउँनेछ , जसले गर्दा उनीहरूले नवरत्न तेलले प्रदान गर्ने प्राकृतिक र प्रभावकारी शीतलतालाई साँच्चिकै महसुस गर्न सक्नेछन् । यो अभियानले नवरत्न तेललाई हरेक नेपाली घरपरिवारमा एक विश्वसनीय वेल्नेस सहयात्रीको रूपमा अझ स्थापित गर्नेछ।’
प्रतिक्रिया दिनुहोस्