‘सरकार सञ्चारकर्मीप्रति अनुदार हुनु निरंकुशता बाहेक अरु केही हुनै सक्दैन’

काठमाडौं । सत्ता साझेदार दल नेपाली कांग्रेसका नेता डा. शेखर कोइरालाले सञ्चारकर्मी र वाक् स्वतन्त्रतामाथिको राज्यको प्रहार सह्य नहुने बताएका छन्।

बुधबार पत्रकार दिलभूषण पाठकविरुद्ध पक्राउ पुर्जी जारी भएपछि नेता कोइरालाले विरोध गर्दै वाक् स्वतन्त्रतामाथिको राज्यको प्रहार सह्य नहुँने बताएका हुन् । उनले भने, ‘सञ्चारकर्मी र वाक् स्वतन्त्रतामाथि राज्यको प्रहार सह्य छैन।’

उनले सरकारमाथि कुशासनको आरोप लागिरहेका बेला सञ्चारमाध्यम र सञ्चारकर्मीप्रति राज्य अनुदार हुन नहुने धारणा राखेका छन् ।

‘अझ सरकार कुशासनको दुश्चक्रमा फसेको आरोप लागिरहँदा सञ्चारमाध्यम र सञ्चारकर्मीप्रति अनुदार हुनु निरंकुशता बाहेक अरु केही हुनै सक्दैन’, नेता कोइरालाले सामाजिक सञ्जालमा लेखेका छन् ।

प्रतिक्रिया दिनुहोस्