कर्पोरेट समाचार 
काठमाडौं । नवनियुक्त सञ्चार तथा सूचना प्रविधिमन्त्री जगदीश खरेलले सिंहदरबारमा पदभार ग्रहण गरेका छन् । उनले आफ्नो पहिलो निर्णयमा हस्ताक्षर नगरी कर्मचारीलाई नै फर्काइदिएका छन् ।
आज शीतल निवासमा राष्ट्रपतिबाट पद तथा गोपनीयताको शपथ ग्रहणपछि सिंहदरबारस्थित मन्त्रालयमा आएर खरेलले पदभार ग्रहण गरेसँगै कर्मचारीले ल्याएको पहिलो निर्णयमा हस्ताक्षर गरेनन् । उनले अर्को प्रस्ताव तयार गर्न निर्देशन दिएका छन् । मन्त्रालयको सचिवले छ महिना भित्रमा देशका प्रमुख शहरका सार्वजनिक स्थलहरुमा आवश्यक इन्टरनेट सेवा उपलब्ध गराउने तयार पारेका थिए ।
आफ्ना बुबा सिद्धिप्रसाद खरेलसहित मन्त्रालय पुगेका उनले पदभार ग्रहणअघि पत्रकारहरुलाई आफ्नो बुबाको परिचय गराएका थिए । पत्रकारहरुसँग उनका बुवाले छोरा मन्त्री बनेकोमा खुशी व्यक्त गर्दै छोराले अझ राम्रो काम गर्नुपर्ने सुझाव दिए ।
प्रतिक्रिया दिनुहोस्