एकैदिन ३९ सयले बढेको सुन हालसम्मकै महंगो, प्रतितोला दुई लाख २१ हजार नाध्यो

काठमाडौं । नेपाली बजारमा सुनको मूल्य हालसम्मकै उच्च बिन्दुमा पुगेको छ । आज सुन प्रतितोला दुई लाख २१ हजार ७०० रुपैयाँमा कारोबार हुने नेपाल सुनचाँदी व्यवसायी महासङ्घले जनाएको छ ।

हिजो सुन प्रतितोला दुई लाख १७ हजार ८०० रुपैयाँमा किनबेच भएको थियो । मंगलबार सुन प्रतितोला तीन हजार नौ सय रुपैयाँले बढेको हो । सुनको यो मूल्य हालसम्मकै उच्च हो ।

त्यसैगरी आज चाँदी दुई हजार ६८० रुपैयाँमा किनबेच हुने महासंघले जनाएको छ। अन्तर्राष्ट्रिय बजारमा आज सुनको मूल्य प्रतिऔंस तीन हजार ७४८ अमेरिकी डलर हाराहारीमा कारोबार भईरहेको छ ।

प्रतिक्रिया दिनुहोस्