सुन–चाँदीको भाउ बढ्यो, तोलाको कति ?

काठमाडौं । नेपाली बजारमा आज सुन–चाँदीको वृद्धि भएको छ।

विज्ञापन

शुक्रबार तोलामा साढे १० हजार रूपैयाँ घटेको सुनको भाउ यो साताको पहिलो कारोबार दिन आइतबार प्रतितोला ६ सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज सुनको भाउ तोलाको दुई लाख ८७ हजार तीन सय रूपैयाँमा निर्धारण गरिएको छ। अघिल्लो कारोबार दिन शुक्रबार सुन प्रतितोला दुई लाख ८६ हजार सात सय रूपैयाँमा कारोबार भएको थियो।

यसैगरी, आज चाँदीको मोल पनि प्रतितोला ५० रूपैयाँ बढेको। महासंघका अनुसार आइतबार चाँदी तोलामा चार हजार ६ सय ९० रूपैयाँमा किनबेच भइरहेको छ। शुक्रबार एक तोला चाँदी चार हजार ६ सय ४० रूपैयाँमा कारोबार भएको थियो ।

अन्तर्राष्ट्रिय बजारमा आज सुन प्रतिऔंस चार हजार एक सय ५६ अमेरिकी डलरमा कारोबार भइरहेको छ।