काठमाडौं । सार्वजनिक ऋण दायित्व बढेर २७ खर्ब २४ अर्ब रुपैयाँ पुगेको छ । सार्वजनिक ऋण व्यवस्थापनको कार्यालयका अनुसार चालु आर्थिक वर्षको सुरुमा कुल सार्वजनिक ऋण २६ खर्ब ७४ अर्ब ०४ करोड बाट बढेर २७ खर्ब २४ अर्ब नाघेको हो ।
आश्विन मसान्तसम्ममा कुल ५० अर्ब ६० करोड रुपैयाँ सार्वजनिक ऋणको दायित्व वृद्धि भएको छ । हाल कुल सार्वजनिक ऋण दायित्व २७ खर्ब २४ अर्ब ६५ करोड पुगेको पुगेको छ । जुन कुल गार्हस्थ्य उत्पादनको ४४.६१ प्रतिशत हुन आउछ । कुल सार्वजनिक ऋणमा आश्विन मसान्तसम्ममा वैदेशिक ऋणको हिस्सा ५३.९ प्रतिशत र आन्तरिक ऋणको हिस्सा ४६.९१ प्रतिशत रहेको सार्वजनिक ऋण व्यवस्थापनको कार्यालयले जनाएको छ।
चालु आर्थिक वर्षमा जम्मा ५ खर्ब ९५ अर्ब सार्वजनिक ऋण परिचालन गर्ने लक्ष्य राखिएकामा असोज मसान्त सम्ममा १ खर्ब ८४ कराड ऋण प्राप्ति भएको कार्यालयको तथ्यांकमा उल्लेख छ । वार्षिक लक्ष्यको तुलनामा कुल सार्वजनिक ऋण प्राप्ति १६.९३ प्रतिशत छ। जसमध्ये वाह्य ऋण प्राप्तिको प्रगति क्रमशः २४ .८६ र ४.६४ प्रतिशत रहेको छ । कुल सार्वजनिक ऋण प्राप्तिमध्ये आन्तरिक र वाह्य ऋणको हिस्सा क्रमश ८९ दशमलव २४ र १०.७६ प्रतिशत रहेको कार्यालयले जनाएको छ ।
चालु आर्थिक वर्ष २०८२/८३ मा ऋण सेवा खर्चमा ४ खर्ब ११ अर्ब १ करोड बजेट विनियोजन भएकोमा आश्विन मसान्तसम्म १ खर्ब ९ अर्ब ८९ करोड भुक्तानी भएको कार्यालयले उल्लेख गरेको छ । यो वार्षिक बजेट विनियोजनको आधारमा २६.७४ प्रतिशत हो ।
प्रतिक्रिया दिनुहोस्