अब जतिसुकै रकमको निजी आवासीय घर कर्जा ७० प्रतिशतसम्म कायम गर्न सकिने

काठमाडाैं । नेपाल राष्ट्र बैंकले जति सुकै रकमको निजी आवासीय घर कर्जामा ७० प्रतिशतसम्म कायम गर्न सकिने व्यवस्था गरेको छ । सोमबार बैंक तथा वित्तीय संस्थाहरुलाई जारी गरिएको एकीकृत निर्देशन, २०८१ मा संशोधन व्यवस्थाले यस्तो गरेको हो ।

जतिसुकै रकमको निजी आवासीय घर कर्जाका हकमा तथा नियमानुसार दर्ता भई सञ्चालनमा रहेका नेपाल सरकारबाट स्वीकृति प्राप्त घर निर्माण व्यवसाय कम्पनी वा परियोजनालाई आवासीय घर निर्माणका लागि प्रदान गरिने कर्जामा यस्तो अनुपात अधिकतम ७० प्रतिशतसम्म कायम गर्न सकिने व्यवस्था गरिएको छ।

नयाँ व्यवस्थाले रियल स्टेट क्षेत्रमा अत्यधिक जोखिम न्यूनीकरण गर्न सहयोग पुग्ने अपेक्षा गरिएको छ भने आवासीय घर निर्माणलाई भने प्रोत्साहन दिने उद्देश्य देखिएको छ।

प्रतिक्रिया दिनुहोस्