कर्पोरेट समाचार 
काठमाडौं। नेपाल निर्यात परिषद्मा चौध सदस्यीय नयाँ नेतृत्व चयन भएको छ । परिषद्को मंगलबार सम्पन्न २८औं वार्षिक साधारणसभाले डा. रामशरण थपलियाको नेतृत्वमा चौध सदस्यीय नयाँ कार्यसमिति सर्वसम्मत चयन गरेको हो।
नयाँ कार्यसमितिमा यसअघि प्रथम उपाध्यक्ष रहेका थपलिया सर्वसम्मत अध्यक्ष बनेका हुन् । यसैगरी, प्रथम उपाध्यक्षमा हरिप्रसाद ढकाल, द्वितीय उपाध्यक्षमा हरि ढकाल, महासचिवमा वसन्त राज अधिकारी र कोषाध्यक्षमा राजु बाँनिया चयन भएका छन् ।
नयाँ कार्यसमितिको सचिवमा अमृतमान श्रेष्ठ र सह–कोषाध्यक्षमा हरिशरण भेटवाल रहेका छन् । सदस्यहरुमा प्रेम राज नराल, सरस्वती सेडाई (त्रिपाठी), अमिर बगाले, प्रविण मान श्रेष्ठ, राम कृष्ण भट्टराई, राम कुमार थपलिया र अनन्त गुप्ता रहेका छन् ।
नवनिर्वाचित अध्यक्ष थपलियाले निर्यात प्रवर्द्धन, निजी क्षेत्रको सशक्तिकरण र अन्तर्राष्ट्रिय बजारमा नेपाली उत्पादनको पहुँच विस्तारलाई आफ्नो कार्यकालमा प्राथमिकता दिएर काम गर्ने प्रतिबद्धता जनाएका छन् ।
प्रतिक्रिया दिनुहोस्