सुनको मूल्य २१ सय रुपैयाँले बढ्यो, तोलाको कति ?

काठमाडौं । साताको अन्तिम कारोबार दिन शुक्रबार सुनको भाउ तोलामा २१ सय रुपैयाँ बढेको छ । नेपाल सुनचाँदी व्यवसायी महासंघले आजको लागि सुनको भाउ प्रतितोला २ लाख ६७ हजार ८ सय रुपैयाँ निर्धारण गरेको छ ।

अघिल्लो दिन दुई हजार रुपैयाँले घटेको सुन प्रतितोला २ लाख ६५ हजार ७ सय रुपैयाँमा कारोबार भएको थियो । यसअघि पुस १३ गते सुनको भाउ हालसम्मकै उच्च २ लाख ७० हजार ६ सय रुपैयाँ पुगेको थियो।

यस्तै, आज चाँदीको मूल्य भने घटेको छ। बिहीबार तोलामा चार हजार आठ सय ३५ रूपैयाँमा खरिदबिक्री भएको चाँदीको मोल आज चार हजार सात सय ८० रूपैयाँ तोकिएको महासंघले जनाएको छ । अघिल्लो कारोकार दिनको तुलनामा आज चाँदी प्रतितोला ५५ रूपैयाँ कम हो।

अन्तर्राष्ट्रिय बजारमा आज सुन प्रतिऔंस ४ हजार चार सय ६५ अमेरिकी डलरमा कारोबार भइरहेको छ।

प्रतिक्रिया दिनुहोस्