पूर्व प्रधानमन्त्रीको पिता स्वर्गीय मोहनप्रसाद ओलीको पशुपतिमा अन्त्येष्टि (तस्बिरहरु)

काठमाडौं ।  नेकपा एमालेका अध्यक्ष एवं पूर्वप्रधानमन्त्री केपी शर्मा ओलीका पिता मोहनप्रसाद ओलीको पार्थिक शरिरलाई पशुपतिमा अन्त्यष्टि गरिएको छ। स्वर्गीय ओलीको पार्थिव शरीरलाई दाहसंस्कारका लागि जेठा पुत्र केपी ओली र कान्छा पुत्र जयप्रसाद ओलीले दागबत्ती दिए ।

स्वर्गीय मोहनप्रसादको ९७ वर्षको उमेरमा आज बिहान गठ्ठाघरस्थित अस्पतालमा निधन भएको थियो ।  त्यसअघि अस्पताल प्राङ्गणमा एमालेका सचिव महेश बस्नेत, भानुभक्त ढकाललगायत केन्द्रीय तथा स्थानीय नेता कार्यकर्ता एवं पुष्पकमल लाहाललगायतले मोहनप्रसादलाई श्रद्धाञ्जली अर्पण गरेका थिए ।

अस्पतालका कार्यकारी निर्देशक डा डि के रौशनका अनुसार मोहनप्रसादलाई आज बिहान करिब ४ः०० बजे उपचारका लागि अस्पताल ल्याइएको थियो । विगत छ महिनादेखि उनको यही अस्पतालमा स्वास्थ्य परीक्षण तथा उपचार भइरहेको थियो ।

प्रतिक्रिया दिनुहोस्