कर्पोरेट समाचार 
काठमाडौं । रिलायबल समृद्धि योजना– २ वैशाखको २९ गतेबाट निष्कासनमा आउने भएको छ । रिलायबल क्यापीटलले एक सूचना जारी गर्दै आफ्नो प्रस्ताव सार्वजनिक गरेको हो । यो बन्दमुखी योजना हो ।
यस योजना अन्तर्गत इकाई बिक्री वैशाख २९ गतेदेखि सुरु भई जेठ १ गतेसम्म खुला रहनेछ । प्रारम्भिक अवधिमा पूर्ण रूपमा आवेदन नपरेमा निष्कासन अवधि जेठ १२ गतेसम्म लम्बिन सक्ने व्यवस्था गरिएको छ।
कुल १० करोड इकाईमध्ये १४ प्रतिशत अर्थात् १ करोड ४० लाख इकाई (१४ करोड बराबर) योजना व्यवस्थापक रिलायबल नेपाल लाइफ इन्स्योरेन्स लिमिटेडलाई सुरक्षित गरिएको छ भने १ प्रतिशत अर्थात् १० लाख इकाई (१ करोड बराबर) कोष प्रवद्र्धक रिलायबल इन्भेष्टमेन्ट एण्ड मर्चेन्ट क्यापिटल लिमिटेडका लागि छुट्याइएको छ।
बाँकी ८ करोड ५० लाख इकाई ( ८५ करोड बराबर) सर्वसाधारण तथा संस्थागत लगानीकर्ताका लागि सार्वजनिक निष्कासनमार्फत बिक्री गरिनेछ। यसमा लगानीकर्ताले न्यूनतम १०० इकाईदेखि अधिकतम १ करोड इकाईसम्म आवेदन दिन सक्नेछन्।
प्रतिक्रिया दिनुहोस्