नवलपरासी । कामना सेवा विकास बैंकले विद्यार्थीलाई शैक्षिक तथा स्टेशनरी सामग्री वितरण गरेको छ । बैंकले आफ्नो संस्थागत सामाजिक उत्तरदायित्व अन्तर्गत नवलपरासीको सर्दीस्थित श्री जनकल्याण आधारभूत विद्यालयका विद्यार्थीहरूलाई शैक्षिक तथा स्टेशनरी सामग्री वितरण गरेको जनाएको छ ।
बैंकको सर्दी शाखा कार्यालयमार्फत विद्यालयमा नर्सरीदेखि कक्षा ८ सम्म अध्ययनरत कुल १३८ जना विद्यार्थीहरूलाई सामग्री हस्तान्तरण गरिएको हो । विद्यार्थीहरुलाई वर्णमाला, अंक, र एबीसीडीका शैक्षिक चार्टहरू, हप्ताका दिन र महिना सम्बन्धी चार्टहरू, नर्सरी तहका अध्ययन सामग्री र शैक्षिक उपकरणहरू, कापी, पेन्सिल, पेन्सिल कलर र बालबालिकाका लागि खेलमुखी अध्ययन सामग्री दिइएको जारी प्रेस विज्ञप्तिमा उल्लेख छ।
बैंकका नारायणगढ क्षेत्र प्रमुख सुरेन्द्र भण्डारीले विद्यालय व्यवस्थापन समितिका अध्यक्ष दल बहादुर सिन्जलीलाई उक्त सामग्री हस्तान्तरण गरेका थिए । सो अवसरमा प्रमुख भण्डारीले यस सहयोगले विद्यार्थीहरूको पठनपाठनमा थप सहजता र प्रेरणा मिल्ने विश्वास व्यक्त गरे । त्यस्तै, विद्यालय व्यवस्थापन समितिका अध्यक्ष सिन्जलीले बैंकको सहयोगप्रति आभार प्रकट गर्दै यस्ता सामग्रीले सामुदायिक विद्यालयका विद्यार्थीहरूको मनोबल बढाउनुका साथै सिकाइ प्रक्रियालाई प्रभावकारी बनाउन ठूलो सहयोग पुग्ने बताए ।
प्रतिक्रिया दिनुहोस्