काठमाडौं। अख्तियार दुरुपयोग अनुसन्धान आयोगले राहदानी विभागका महानिर्देशक तीर्थराज अर्याललाई पासपोर्ट खरिद प्रकरणमा नियन्त्रणमा लिएको छ।
अख्तियार स्रोतका अनुसार अर्यालसँगै प्रिन्टिङ कम्पनी भेरिडियसका सञ्चालक सिद्धार्थ थापा र विभागका सूचना प्रविधि निर्देशक सुनिल कुमार केसीलाई पनि नियन्त्रणमा लिएर अनुसन्धान अघि बढाइएको छ। मंगलबार अख्तियारको नियन्त्रणमा परेका अर्यालसँग सोधपुछ भैरहेको छ ।
अख्तियारले पासपोर्ट आपूर्ति तथा खरिद प्रक्रियासम्बन्धी मामलामा उनीहरुलाई सुरक्षा नियन्त्रणमा लिई विस्तृत अनुसन्धान अघि बढाएको जनाइएको छ।
प्रतिक्रिया दिनुहोस्