सुन ९०० र चाँदीमा ५५ रुपैयाँको गिरावट, चौथो दिन पनि घट्यो मूल्य

काठमाडौं । स्थानीय बजारमा लगातार चौथो कारोबार दिन समेत सुनचाँदीको मूल्यमा गिरावट आएको छ।

विज्ञापन

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला दुई लाख ८७ हजार १०० रुपैयाँ तोकिएको छ ।

यसअघि मंगलबार सुन तोलाको दुई लाख ८८ हजार रुपैयाँ, सोमबार दुई लाख ८९ हजार ४०० रुपैयाँ र आइतबार दुई लाख ९० हजार ३०० रुपैयाँमामा खरिदबिक्री भएको थियो । गत शुक्रबार सुन प्रतितोला दुई लाख ९० हजार ७०० रुपैयाँमा किनबेच भएको थियो। गत आइतबारको तुलनामा सोमबार ९०० रुपैयाँले घटेको सुनको भाउ मंगलबार १४ सय रुपैयाँले सस्तिएको थियो भने आज पुनः ९०० रुपैयाँले मूल्य घटेको हो ।

यसैगरी, आज चाँदीको भाउ पनि ओरालो लागेको छ। महासंघका अनुसार बुधबार एक तोला चाँदीको मूल्य चार हजा ५०० रुपैयाँ निर्धारण भएको छ। अघिल्लो कारोबार दिनको तुलनामा आज चाँदी तोलाको ५५ रुपैयाँले घटेको छ । यसअघि, मंगलबार चार हजार ५५५ रुपैयाँ कायम भएको चाँदीको भाउ सोमबार चार हजार पाँच सय ८५ रुपैयाँमा कारोबार भएको थियो ।