काठमाडौं । अर्थ मन्त्रालयले गठन गरेको सरकारी वार्ता टोली र आन्दोलनरत लघुवित्तपीडित संघर्ष समितिबीच आज पुनः वार्ता हुने भएको छ।
बिहीबार भएको पहिलो चरणको वार्ता सकारात्मक र समाधानउन्मुख रहेको निष्कर्षपछि दुवै पक्ष आज फेरि छलफलमा बस्न लागेका हुन्। वार्तामार्फत आन्दोलनका माग सम्बोधन गर्दै सहमतिमा पुग्ने प्रयास जारी रहेको जनाइएको छ।
लघुवित्तपीडितको आन्दोलनलाई संवादमार्फत समाधान गर्न अर्थमन्त्री डा. स्वर्णिम वाग्लेले बिहीबार मन्त्रिस्तरीय निर्णयबाट वार्ता टोली गठन गरेका थिए। मन्त्रालयका सहसचिव महेश आचार्यको संयोजकत्वमा गठित टोलीले संघर्ष समितिसँग वार्ता अघि बढाइरहेको छ।
सरकारले वार्ताबाट समस्याको दीर्घकालीन समाधान खोज्ने लक्ष्य राखेको छ भने संघर्ष समितिले पनि आफ्ना मागबारे स्पष्ट प्रतिबद्धता खोजिरहेको छ।
प्रतिक्रिया दिनुहोस्